Рецензиялау

"Eurasian Physical Technical Journal" журналының редакциясына түскен бүкіл ғылыми мақалалар міндетті түрде екі жақты рецензиялаудан өтеді (қолжазба авторлары рецензенттерді білмейді). Бағалау үшін қолжазбалар екі рецензентке жіберіледі.

1. Мақалаларды рецензиялауды редакциялық кеңес пен редакциялық алқа мүшелері, сонымен бірге шақырылған рецензенттер - Қазақстан мен басқа да елдердің техникалық физиканың тиісті саласындағы жетекші мамандары жүзеге асырады. Мақалаға сараптама жүргізу үшін белгілі бір рецензентті тағайындау туралы шешімді журналдың бас редакторы немесе бас редактордың орынбасары қабылдайды. Рецензиялау мерзімі 6-8 апта, бірақ рецензенттің өтініші бойынша оны ұзартуға болады.
2. Әрбір рецензент қолжазба материалдарын қабылдау мен түсіндіруге әсер ететін айқын мүдделер қақтығысы болған жағдайда рецензиялаудан бас тартуға құқылы. Қолжазбаны сараптау қорытындысы бойынша рецензент мақаланың одан әрі статусы туралы келесі ұсыныстар береді (рецензенттің әрбір шешімі негізделеді):

• мақала берілген түрде жариялауға ұсынылады;
• мақала рецензент белгілеген кемшіліктерді түзетуден кейін жариялауға ұсынылады;
• мақала басқа маманның қосымша рецензиялауын қажет етеді;
• мақала қабылданбайды және журналда жариялануға ұсынылмайды.

3. Егер рецензияда мақаланы толықтыру және түзету бойынша ұсыныстар болса, журналдың редакциясы авторға мақаланың жаңа нұсқасын дайындау кезінде ұсыныстарды ескеру немесе оларды дәлелді (ішінара немесе толық) жоққа шығару туралы ұсыныспен бірге рецензия мәтінін жібереді. Мақаланы түзету авторларға өзгерістер енгізу қажеттілігі туралы электрондық хабарлама жіберілген сәттен бастап 2 айдан аспауы тиіс. Автормен түзетілген (толықтырылған) мақала рецензиялауға қайта жіберіледі.
4. Авторлар материалдарды түзетуден бас тартқан жағдайда, олар мақаланы жариялаудан бас тартқаны туралы редакцияға жазбаша немесе ауызша түрде хабарлауы тиіс. Егер авторлар оларға рецензия жіберілген күннен бастап 3 ай мерзім ішінде түзетілген нұсқаны жібермесе, тіпті мақаланы түзетуден бас тартқан авторлардан ешқандай мәліметтер болмаса да, редакция оны есептен шығарады. Мұндай жағдайларда авторларға түзетуге бөлінген мерзімнің өтуіне байланысты қолжазбаны тіркеуден шығару туралы тиісті хабарлама жіберіледі.
5. Егер автор мен рецензенттер қолжазбаға қатысты шешілмейтін қарама-қайшылықтарға тап болса, редакциялық алқа қолжазбаны қосымша рецензиялауға жіберуге құқылы. Даулы жағдайларда бас редактор редакциялық алқаның немесе редакциялық кеңестің отырысында шешім қабылдайды.
6. Қолжазбаны жариялаудан бас тарту туралы шешім рецензенттердің ұсыныстарына сәйкес редакциялық алқа отырысында қабылданады. Редакциялық алқаның шешімімен жариялауға ұсынылмаған мақала қайта қарастыруға қабылданбайды. Жариялаудан бас тарту туралы хабарлама Авторға электрондық пошта арқылы жіберіледі.
7. Мақаланы жариялауға жіберу туралы шешім қабылданғаннан кейін редакция бұл жайлы ақпаратты авторға хабарлайды және жариялау мерзімдерін көрсетеді.
8. Оң рецензияның болуы мақаланы жариялауға жеткілікті негіз бола алмайды. Жариялау туралы соңғы шешімді редакциялық алқа қабылдайды. Даулы жағдайларда бас редактор шешім қабылдайды.
9. Рецензиялар журнал редакциясында 3 жыл бойы сақталады.
10. Журнал редакциясы редакцияға тиісті сұрау түскен жағдайда Қазақстан Республикасы Ғылым және Білім министрлігіне рецензиялардың көшірмелерін жібереді.